機師與椅墊

逛 IKEA 見到一棟棟椅墊，回憶返晒嚟。飛小型飛機訓練嘅時候，張 Seat 係無法調校嘅。為咗有一個正常視野，唯有加椅墊去墊前/墊高。一般同學仔都係用一至兩個椅墊就夠。

作為一個一般亞洲女子，比一般西方男子矮是正常不過嘅事。於是我係需要用三個椅墊先夠，而我幾位高大嘅教練係一個都唔使嘅。所以經常都會出現泊好機後，教練拎個 Headset 瀟瀟灑灑地先行返 Office，而我就係綁好機執好野後，揹住個滿滿嘅 Flight Bag，一手拎 Tech Log，一手好唔型地抽住三個椅墊離開停機坪。

雖然如此，多謝你哋陪咗我整整一年。