三更半夜的 Coffee or Tea

朋友成日見我日頭好得閒瞓到日上三竿，其實係因為小妹主要飛歐洲同澳洲，而呢啲航班大部分都係夜機。當乘客們無論係經濟客位好努力地搵個好位瞓覺，或者係商務客位輕輕鬆鬆地平躺入睡，機組人員就默默地燃燒生命工作。應付捱夜，好多人都選擇係返工前瞓得幾耐得幾耐，飛行途中再飲咖啡或茶提神。

Coffee or tea? 飲咖啡嘅同事通常都係要 Black Coffee 或者 White Coffee no Sugar，飲太多怕肥喎。遇過有 crew 落 drink order 簡單直接 “Black coffee till the end of the flight!”  我就唔知飛機上嘅咖啡好唔好飲，因為我係 Tea Lover，飲開茶。不過無論要咖啡定茶，都應該好想講 “BE STRONG!”

致各位要返通宵嘅朋友，我敬你一杯，飲（茶）！