嘴得一個，但我真係好鍾意買 Lip Product。見到 YSL 又出新系列就忍唔到去睇下，然後就唔小心帶左兩支返屋企。今次新出系列 VOLUPTÉ LIQUID COLOUR BALM，又係標榜護唇配方，可以保持嘴唇柔滑水嫩感。採上咀的確比起一般唇膏甚至液體唇膏都潤，無需用潤唇膏打底都好足夠。
顏色方面一共有 12 色，相信都容易揀到心水色。搽上嘴亦都比 Tint in Balm 實色顯色好好好好好多，應該唔會有人投訴上嘴無色啦！不過我覺得今次個包裝爭少少。包裝以玟瑰金配銀色管身，感覺比平時簡約，少一份華麗感。玟瑰金 Logo 部分非常淺色，而銀色管身則好容易留指印。即使係咁，我都係覺得個佢個質地同顏色深得我心，所以最後係 N°10 DEVOUR ME PLUM 同 N°11 HOOK ME BERRY 之間落唔到決定，兩支買晒。
