極光之旅 • 1 / 英國 • 格林威治天文台與 London Eye

終於都等到十月放大假去睇極光啦！揀左一次過去晒英國 London、丹麥 Copenhagen、挪威 Oslo 及 Tromsø，最後去埋意大利 Rome，四個國家五個城市。行程首先去英國，由香港直飛去 London Gatwick，然後直接搭火車去 London 市中心。向來覺得另一半幫手拖喼並不是必然，所以睇住葉生主動拖兩個比手提行李重三倍嘅行李真心覺得型，而呢個畫面仲要有暮光做背景就真係 Charm 多倍。

去到酒店放低行李食個早餐就開始極隨心行程。本身想去 Westminster 行下一時失策無留意星期日不作公眾開放，就係外面影下相先留返下次。

其實亂行亂撞更有驚喜，諗住沿 River Thames 行去 Tower of London，行行下見到有遊覽船去 Greenwich 同 Tower of London，結果就買左 Day Pass 去 Greenwich Observatory 搵對全世界都好重要，定義經度 0 度的 Prime Meridian 本初子午線。 遊覽船沿途會經過好多景點例如 London Eye 同 Tower Bridge，船上亦都有 Tour Guide 會同大家介紹景點的背景故事。

由碼頭行去天文台中間會經過 Greenwich Market，都有好多攤檔。雖然天氣凍凍地但要食返杯 Gelato！行到上天文台，入面總共有四條不同年代提出的子午線，最受歡迎當然係 Prime Meridian，大家都等住影相。除左子午線仲有好多有關時間、導航的展品。其中有一個位俾參觀者設計心目中的導航儀器，有位小朋友畫左 Google Map，的確好有代表性。

搭返船去 Tower of London，買門票時售票員建議另一日先去，因為要預留三小時去參觀，另外網上預先買門票會比現場買票平。咁好啦，改變行程去 London Eye。細細個第一次去 London Eye 無上去，但就默默許下心願終有一日要同另一半一齊搭。之後再有機會去London Eye 都堅持唔搭，今次終於實現到個願望啦！