前排新聞報導有乘客為求航程安全，將硬幣擲入引擎內祈福。其實我都有親眼見過有位大叔係隊長面前掟銀架！事緣某次係杜拜跟隊長去買當地特產名牌 Bateel 椰棗（推介 Macadamia 款好好食），店內有一位大叔大量入手。名牌當然賣相要靚，店員逐粒逐粒椰棗幫他排靚仔入盒時，大叔一邊在旁催促：「趕時間去機場呀！」
終於排好可以收錢，大叔身上只剩美金，拎出兩張大紙給店員。店員計計數，非常好心地提議大叔用細額錢，否則找續回來是 AED，對於一個趕住去機場的遊客得物無所用。於是大叔又不耐煩地搵細額錢。找續好後，大叔拎出一堆硬幣，然後向店員表示想換張紙幣。店員數過後，對大叔有禮地表示不夠數。
此時，大叔爆發了。
"You know what? I'm running late and I just want to get rid of the coins!"
然後就將手上的硬幣狠狠地掟向店門！
大叔，你趕時間可以留低硬幣瀟灑離開，發脾氣掟銀但又立即逃離案發現場其實好唔型。而當時硬幣在門口一班印度人遊客頭頂劃過再落地，但他們竟可無動於衷繼續揀椰棗，似是一切都無發生過。So determined.
No comments
Post a Comment