London 倫敦 / 兩個女生懶遊英國 2013

* 以下為 2013 年寫下的旅記，2017年無意發現原來一直未完成。Detail 都忘了但感覺還在，就補回照片留個記憶啦，應該都無旅遊參考價值架啦 XD

三月嘅時候因為一時興起，同 Elaine 奮不顧身去了個 11 日嘅英國遊。我哋乘搭嘅是卡塔爾航空 Qatar Airways，轉機嘅多哈機場感覺有點似杜拜機場。當然無杜拜嘅金碧輝煌，不過有 Frozen Yogurt 賣。有 Free wifi，而且有極多充電插頭（可以直接插 USB 線！）。等轉機唔怕電話 iPad 無電悶死。

飛機係早上到達 London Heathrow 機場，係英國讀書的 Tony 特地坐火車到 London 接機！離開機場的時候發現原來 Tube 收不到電話訊號，所以有很多人睇書吧？香港呢個「文化沙漠」係咪應該效法一下迫大家多睇書呢？不過咁樣港鐵公司會被罵死哈哈。

外出要準備嘅野有：

Oyster Card - 八達通的朋友

Prepaid sim - 買了 Vodafone，好慢，但已經算係比較好。有機會試試 EE...

iPhone app Tube Map - 可以點對點搜尋路線，而且會提示邊條線暫停服務。app 內可以搵附近嘅餐廳、景點、巴士站等等。

11 天的行程全靠 Elaine 編排，因為臨出發前突然病咗，工作方面又好忙。因為行程中分別有 miss 火車或太夜到達等等，以下係最終走過嘅行程：

Day 1 - Hyde Park / Kensington Palace / Baker Street / Oxford Street

到達 London，先到酒店放下行李。呢日住嘅是 Shakespeare Hotel，外表不錯。不過雙人房內有５張床，洗手間都幾殘舊。我只可以話下次唔會再揀呢間吧。

安頓好後處理好電話卡，就去 Hyde Park 逛逛。由於預計一趟舟居勞頓後都沒多餘體力，呢日嘅行程以閒逛為主題，慢慢走聊聊天。由 Hyde Park 沿路走會到 Kensington Palace，一場來到當然要入場。

逛完 Kensington Palace 就出發去 Baker Street 搵 Sherlock Holmes了。到達的時候剛好關門，就只好係紀念品店逛逛消費一下，買了 Sherlock Holmes 造型的小熊（這趟旅程買咗好多小熊...）關於 Sherlock Holmes，我好似未看過原著，但非常鍾意 BBC 嘅 Sherlock 電視劇。情節緊湊出人意表，男主角演譯得十分到位，此劇十級推薦。

離開 Baker Street，一路上我哋企圖找餐廳都 Fail，而且沿路都是商業大樓之類的，非常冷清。直到我們走到 Oxford Street，有一種重回人間的感覺。其實重點係香港嘅感覺吧，因為周圍都係商店，人頭湧湧，係 Shopping 的好地方。因為某人要趕火車走的關係，我們去咗食 KFC。香港嘅 KFC 實在難食到我唔想再俾機會。不過最後某人都係趕唔切火車，陪我哋逛街送返酒店箱再買火車票走。

Day 2 - Beachy Head

去 Beachy Head，再坐火車到 Brighton 再轉火車到 Eastborune，大約要一個半小時。Beachy Head 係個好靚嘅地方（景點詳情按我），不過由 London 即日來回太趕了，下次還是留係 Eastborune 過夜吧。

酒店換到 Travelodge London Central City Road Hotel，呢間比起第一天嘅酒店好得多。唔豪華，但乾淨企理。有二十四小時開放餐廳，唔怕餓死。位置於 Moorgate 站，距離我哋要去嘅景點都練木方便。

特登落車影 Sherlock

話說回來，平時我獨自搬行李係無問題嘅。不過拗咗柴嘅我係好難將行李搬上搬落，而 London 的嘅 Tube 好多站都係電梯...好彩沿路都有好心人主動幫忙。否則我想將行碌落樓梯算（不過上地面點算呢？）

Day 3 - Oxford

一出門落雪呀！好靚不過要返房著多件衫呀

是日行程去 Oxford。四年前無好好記下行程感想，所以詳情忘了。只記得風景好靚， Taco 好好食...

話說我哋係 Oxford Street 認識咗 PRIMARK，嚟到 Oxford 都係逛 PRIMARK。本來只係想入去買點補給品，結果逛了好一陣先捨得離開......

Day 4 - Windsor Castle / Stonehenge / Bath

因為 Stonehenge 自己去交通唔方便，我哋選擇咗參加 Day Tour 一日去 Windsor Castle、Stonehenge 同 Bath。好處係專車接載，有導遊講解。壞處係景點間距離真係有點遠，最後仲要趕返 London，每處可以逗留嘅時間唔多。呢次在 Bath 逗留太短，都係個應該要留下過夜嘅地方。

Day 5 - Buckingham Palace / St. Paul's Cathedral / Westminster Abbey / Phantom of the Opera

去 Buckingham Palace 看 Changing Guard 秘訣是：早。我們也不算太遲到吧，可是也已經人山人海。St. Paul's Cathedral 門票有點貴，不過還是入場參觀了。有點可惜部分樓層在維修，不能參觀。接著也去了 Westminster Abbey，當然也看了 Big Ben。原本想去 Tower of London，可是不想走馬看花的浪費了門票和時間，決定留待下一次再去吧！（其實我去過，不過也不介意再去一次）

參觀完景點就去呢個 trip 其中一個亮點，去睇 Phantom of the Opera！超值得去睇！完場後買了 25th Anniversary CD。

Day 6 - King's Cross Station / Harrods / Oxford Street

呢日原本係要去 York，結果因為預算失誤錯過咗火車，改為 Shopping Day。先係 Harry Potter 精品店出血，再去 Harrods 同 Oxford Street。估唔到就咁都玩咗一整天。

2013年表示好想要 / 2017年已安坐家中

戰利品，一直都好想要 HP 的頸巾 *v*

Light lunch menu 加一客 Pizza，上菜時表示驚訝，食完後表示點解會咁大食...

兩個女人的戰鬥力

Day 7 - Covent Garden / British Museum

2017表示記得係 Covent Garden 附近 The Rock and Sole Plaice 的 Fish and Chips 好好食。而 British Museum 部份兩位小姐太無文化氣息不斷搵地方坐及嫌棄瓶瓶罐罐們。但非常不解嘅係點解各位遊客同木乃衣合照時面帶燦爛笑容，木乃衣係屍體...... 最後記得好似係附近搵野食搵到氣餒隨便入咗一間，記憶中都唔錯。

Day 8 - Burghley House / Portobello Market

一大早搭火車到 Stamfold 去 Burghley House，沿路超大風又凍又下著毛毛雨甚至落雪，不禁唱起「漫步人生路」。不過兩個女生，雖然一度迷路但人影都無隻去問路，一邊傾計一邊慢慢地行去 Burghley House 都幾開心。對得石屎森林多，在空曠嘅地方行下都好舒服。雖然真係好凍。旁邊嘅 Garden of Surprise，我覺得，就可以免了，連相都無影。有錢人嘅玩意係凡人不能理解的。