YSL VOLUPTÉ TINT-IN-BALM 迷魅護唇膏 顯色定無色？

產品推出前幾個月，各大美妝網站都紛紛介紹呢枝 YSL VOLUPTÉ TINT-IN-BALM，一早睇到心癢難耐。正式推出後睇埋廣告片，個種顏色同滋潤光澤真係不得之了。但每次行過專櫃都係人多到放棄，終於有一日係朗豪坊攝到個位去試。

試色後感：廣告內容不能盡信。

別誤會，試完色我仲心大心細爭少少買晒 #4 同 #10，最後揀左 #10。佢係一枝非常稱職的潤唇膏，滋潤得黎不會油膩而且 Keep 得耐，乾左無甩皮情況。顏色亦比一般潤唇膏顯色，粉色系列可能會難出色少少，但#10 搽兩次左右都已經有我想要的顏色。不過如果想單搽幾次就做到廣告片的效果，I'm so sorry，諗多左。

見到 Facebook Page 上有為數不少投訴中伏 VOLUPTÉ TINT-IN-BALM 無色只係一枝潤唇膏，咁人地真係潤唇膏嘛... 我就覺得 VOLUPTÉ TINT-IN-BALM 買得過，尤其嘴乾人士好適合日常使用。但如果追求勁出色勁 Sharp 的話，就可以直接跳過。所以，自己衡量啦。

雖然無論心中團火燒唔燒得起，門市都好似已經無貨。