一直說要減肥卻又一直都未成功，反然愈減愈肥... 決定由減低卡路里 intake 著手。本來已買了肌之子的低卡路里即食麵，不過剛好有官燕棧「一餐纖燕」試食到手，就先試這個吧～試食味道有兩款，蕃茄四蔬燕窩餐3盒及南瓜五穀燕窩餐2盒，是15天份量。
一餐纖燕含多款天然穀物同蔬菜，莫說比一般代餐豐富，比起平時食的快餐 / Canteen 食物更均衡，補充膳食纖維。卡路里又低，每包大約 7x kcal，每天吸收少幾百卡路里對於幾乎零運動的人來講已經好多了～ 而且添加一級「頭期官燕」，有美顏美肌功效，不過份量有多少我就不得而知。
食用方法好簡單：隨心。即食又得，用熱水浸熱又得，放入微波爐叮熱都得。因為Office 其實無pantry --> 無微波爐，我選浸用熱水浸熱食。男友見到第一句：「太空食物？」 XDDD
南瓜五穀燕窩餐
成分：水，南瓜，馬鈴薯，蕎麥，燕麥，洋蔥，大麥，小麥，燕仁，鹽，冰糖，官燕
卡路里：76Kcal
雖然本身不喜歡南瓜，不過此款味道尚可接受。洋蔥和馬鈴大大粒，略嫌可再多落少少鹽。不過小妹一向偏愛濃味食物，還是自己再調味吧。
蕃茄四蔬燕窩餐
成分：水，蕃茄，高梁，燕麥，洋蔥，紅蘿蔔，糙米，西芹，冰糖，鹽，官燕
卡路里：74Kcal
即使有不喜歡的蕃茄和紅蘿蔔（其實我都幾偏食...），兩款之中比較喜歡這個。蕃茄和紅蘿蔔的味道不會突別突出，其實味道頗夾，而且蕃茄帶少少酸開胃（減肥不是不要開胃嗎！？）
暫時食了一星期，味道方面幾鍾意，唯一問題是...不夠飽。我太大食了吧！午飯後兩至三小時左右會開始肚餓，要食兩三塊餅乾頂頂肚。或者可以選擇當晚餐，反正飯後能量消耗不高。但千萬不要每天餐餐食低卡餐，人一天怎也需要一千卡路里能量。每餐都如此低卡我怕未減到肥先暈低！
